بسم الله
دوشموسن قتلگه پیکری القان یارالی
جسمووی شان شان ایدوب نیزه وپیکان یارالی
تانییا بولمدیم اول منی عفو ایله حسین
عطرین آلجاق تانید یم جان سنه قربان یارالی
آناما من نه دیوم ای باشی دالدان کسیلن
منه ویرمیشدی امانت او پریشان یارالی
من گرک بو کسیلن قانلی بوغازیندان ئوپم
ئوپبسم بوبوغازی باغریم اولار قان یارالی
بدنون بوردا قالوبدور باشون اللرده گزور
کوفیان ساخلامادی حرمت مهمان یارالی
من گیدن وقته خیامه قوروموشدی دوداقون
باشووی قاتل کافر کسوب عطشان یارالی
سانا گلمز آنام اوغلی بدنون یاره لری
هر طرفدن سوزولوب قانی کماکان یارالی
آیری بیر دینیده سن تک اولا حاشا ئولنی
ئولدوروبدور سنی ظاهرده مسلمان یارالی
هانس کافر کسوب احسان ئلیین اللرووی
بیر کمربند آپاروب دشمن نادان یارالی
شهربانو آناسی ویردی اونی تحفه سنه
دیدی زینتتیدی بو تحفه شایان یارالی
ای جگر گوشه زهرا بدنون چوخ داغیلوب
آت چاپوبلار بدنون اوسته لعینان یارالی
گون دوشوب پیکرووه یاره لرون جوش ئلیور
سایه یوخ جسمیوی گوندن ایده پنهان یارالی
خوشلیان سینه ی زهرانی قوم اوستونده یاتوب
نه گوزل بستریدی سینه ی سوزان یارالی
اولمیوب بیر کسه سن تک بوقدر ظلم و ستم
کیم چیخوبدور بوچتین بیر امتحاندان یارالی
هر کیمون اولماسا قارداشی سالالار بوگونه
قارداشا قارداش ایدر جانینی قربان یارالی
تا اباالفضل واریدی خصمیده جرات یوخودی
تاپدی اوندان صورا جرات سنه عدوان یارالی
ذوالجناح تلی اننده اوجالوب شیون اودم
داخی سندن الی ئوزوب جمله اسیران یارالی
مرکبیندن سوروشوپ نازلی رقیون ده گوروم
بابا ما ویردیله سو یا ئولوب عطشان یارالی
حمزه نون پیکرینه باخما قا غملی باجیسین
قویمادی جدیم اونی باخما قا بیر آن یارالی
سن هارا حمزه هارا بوداغیلان پیکر هارا
منی دشمن گتوروب تا گوره نالان یارالی
ای چوخور یرده اولان پیکری القانه کفن
وی یاریم گونده بوساچلاری آغاردان یارالی
منه بیر چاره ئله تز قوجالان زینبووم
آیریلیم من نجه سندن اورگی قان یارالی
بابی انت و امی سنه غفاری دییر
ایتموسن بسکه اونا لطف فراوان یارالی
اسکندر غفاری